| ИЕЛЕР ХҮНҮНГЕ УТКУШТУР | \n\nСолун мөөрей — «Кунчушкулар–2025» \n\nЭрткен чылын Чыраа-Бажы сумузунуң Херээженнер чөвүлелиниң эгелээшкини-биле херээжен чон аразынга «Кунчушкулар» деп мөөрейни эрттирери чаңчыл апарганы өөрүнчүг. Мөөрейни Иелер хүнүнге уткуштур Чөөн-Хемчик кожууннуң сумулар аразынга эрттирген. Эрткен чылын Элдиг-Хем сумузу тии\xadлээш, бо чылын суурунга бедик деңнелге эрттиргеннер. \n\nУк мөөрейниң кол сорулгазы — кунчуу биле келинниң аразында быжыг харылзааны быжыктырып, эп-найыралды тургузуп, аныяк-өскеннерге үлегер-чижек болуру-биле чон аразынга нептередири. \nЭлдиг-Хемниң көдээ культура бажыңынга Чөөн-Хемчик кожууннуң сумулар аразынга кожуун чергелиг «Кунчушкулар–2025» деп мөөрей болуп эрткен. Мөөрейге Тыва Респуб\xadликаның Херээ\xadжен\xadнер эвилелинден база Чөөн-Хемчик, Өвүр кожуун\xadнарның хе\xadрээженнер чөвүлел\xadдеринден төлээлер келген. \n\nМөөрейни Элдиг-Хем суму чагыргазының социал политика талазы-биле оралакчызы Кара-Кат Монгуш биле сумунуң Херээженнер чөвүлелиниң кежигүнү Сылдыс Монгуш база культура ажылдакчызы Таймира Кара-Сал удуртуп эрттиргеннер. \n\nСумунуң Херээженнер чөвүлелиниң кежигүннери мөөрейни баштак кожаңнар-биле ажыткан. Тос сумудан (Элдиг-Хем, Теве-Хая, Баян-Тала, Шеми, Чыраа-Бажы, Хайыракан, Чыргакы, Бажың-Алаак, Ийме, Элдиг-Хем) кун\xadчуулар болгаш келиннер, ниитизи-биле 18 кижи киришкен. Киржикчилерниң эң-не улуг назылыглары 75, 80 харлыг хоочуннар. \n\nМөөрей беш чадага эрткен: таныштырылга, талант, айтырыгларга харыы\xadлаары, фантазия база чем дерилгези. Мөөрей солун болгаш бедик деңнелге эрткен. Киржикчилерниң чогаадыкчы чоруу чонну кайгаткан. Талантылыг кунчуш\xadкулар янзы-бүрү ырылар, тоолдар, баштак, шоодуглуг көргүзүглерни, танцы-самны күүсеткеннер. \nТүңнелинде «Кунчушку\xadлар–2025» деп дээди шаң\xadналга Шеми сумузундан кунчуу Луруянчаповна биле кенни Олча Валентиновна Кууларлар төлептиг болганнар. Бирги черни Элдиг-Хем сумузундан кунчуу Азияна Бадыевна Ооржак биле кенни Айда-Сай Мергеновна Куулар алганнар. Ийиги черге Чыргакы сумузундан кунчуу Сырга Норбуевна биле кенни Суйзана Сайдаш\xadовна Кууларлар тергиидээн. Үшкүзүнге Бажың-Алаактан Аяна Деспил-ооловна Монгуш биле Аяна Санчатовна Дамба кунчушкулар төлептиг болганнар. \n\nНоминациялар аайы-биле дараазында кунчушкулар тергиидээн: \n«Эң-не талантылыг кун\xadчуш\xadкулар» — Чыраа-Бажы сумузундан Уран Бопай-ооловна Сонам биле Солангы Радамировна Ооржак. \n«Эң-не угаанныг кунчушкулар» — Баян-Таладан Нина Ховалыговна Куулар биле Светлана Семеновна Намзырай. \n\n«Эң-не тер\xadгиин ты\xadва\xad хептиг кун\xadчушку- лар»\xad\xad — Ха\xadйы\xadракан сумузун\xadдан\xad Любовь\xad Дакар-\xadооловна Күжү\xadгет биле Аяна Арсеновна Монгуш. \n«Эң-не сагынгыр-тывынгыр кунчушкулар» — Теве-Хая\xadдан Оюмаа Эртине-Комбуевна Ондар биле Олча Алдын-ооловна Ховалыг. \n«Эң-не холу чемзиг кун\xadчушкулар» — Ийме сумузундан Надежда Стадиновна Монгуш биле Чойгана Шышкан-ооловна Хертек. \nДээди чаданың шаңна- лы — хой. Тиилекчилерге өртектиг белектер болгаш шаңнал бижиктерни сөңнээн. \n\nЭлдиг-Хем сумузунуң чагырга даргазы Артыш Ооржак база Адалар чөвүлелиниң даргазы Мерген Куулар мөө\xadрей\xadниң шупту киржикчилеринге дириг чечектерни сөңнээн. \n\nТР-ниң Херээженнер эвилелиниң даргазы Людмила Кимовна, кежигүннер Югана Николаевна, Айлаана Чыргал-ооловна база ТР-ниң Хөй-ниити палатазындан Чодураа Хүлеровна деткикчилээн. \n\n/ Уран СОНАМ, \nТываның Херээженнер эвилелиниң Чөөн-Хемчикте куратору. \nЧыраа-Бажы сумузу. \n\nЧуруктарны авторнуң архивинден алган.