Чөөн-Хемчик кожуундан Алдын-оол биле Долума Сундуйлар өг-бүле тудуп, кады эгин кожа чурттанындан бээр 55 чыл четкен. Мерген-Херел Монгуш аттыг культура бажыңынга үлегерлиг өг-бүлениң «изумруд кудазын» херечилеп бадыткаан байырлыг хемчег болуп эрткенин чагырга чери дыңнаткан.
Алдын-оол Сендинович Улуг-Хем кожууннуң Чааты сумузунга төрүттүнген. Долума Данзы-Белековна Сүт-Хөл кожууннуң Бора-Тайга сумузундан. Чадаана хоорайның үлегерлиг өг-бүлези үш ажы-төлүн төлептиг кижилер кылдыр кижизидип өстүрген.
Сундуйлар хөй санныг уйнуктарының ынак кырган ада-иези. Олар амгы үеде уйнуктарын азыражып, аныяк-өскенге арга-сүмезин дамчыдып чоруур.
Чөөн-Хемчиктен “Ынакшыл болгаш шынчы чорук дээш” медальдарга беш өг-бүле – Александр Албай-оолович биле Тамара Кара-Сатовна Монгуштар, Михаил Чамыянович биле Татьяна Шагдыровна Монгуштар, Шириин Шыырапович биле Өлзеймаа Самбууевна Монгуштар, Николай Сараатович биле Валентина Курутаевна Хомушкулар, Анатолий Томур-оолович биле Ираида Ак-Кодановна Ондарлар төлептиг болган.
https://tmgnews.ru/novosti/chadaana-hoorajny-legerlig-g-b-lezini-izumrud-kudazy/
Теги:
Количество показов:
13